សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា អនុញ្ញាតអោយ លោក SIDDHARTHA KAUL ប្រធានអង្គការ SOS-KDI និងគណៈប្រតិភូអង្គការដែលមករួមប្រជុំគ្នានៅកម្ពុជា ចូលជួបសំដែងការគួរសម និងពិភាក្សាការងារ នៅវិមានសន្តិភាព រាជធានីភ្នំពេញ

កាលពីរសៀលថ្ងៃទី ២ មិនា នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអនុញ្ញាតអោយ លោក SIDDHARTHA KAUL ប្រធានអង្គការ SOS-KDIនិងគណៈប្រតិភូអង្គការដែលមករួមប្រជុំគ្នានៅកម្ពុជា ចូលជួបសំដែងការគួរសម និងពិភាក្សាការងាររីកចម្រើនថ្មីៗ នៅវិមានសន្តិភាព រាជធានីភ្នំពេញ។

ថ្ងៃស្អែកជាទិវាវប្បធម៌ជាតិ ៣ មិនា ដែលយើងប្រារព្វធ្វើជារៀងរាល់ឆ្នាំ។ សង្ឃឹមថា ជនរួមជាតិយើងរួមគ្នាការពារវប្បធម៌ជាតិរបស់យើងទាំងរូបីយ៌ និង អរូបីយ៌។ ខ្ញុំសប្បាយរីករាយ ដោយចៅស្រីរបស់ខ្ញុំបានហាត់សិល្បៈបូរាណខ្មែរ និងមានចៅស្រី២រូបបានរាំថ្វាយព្រះពរសម្តេចម៉ែ ប៉ុន្មានឆ្នាំកន្លងមក។

ថ្ងៃនេះគឺជាខួបគម្រប់ ១០ ឆ្នាំ នៃការចូលរួមបញ្ជូនកងកម្លាំងមួកខៀវកម្ពុជាចូលរួមថែរក្សាសន្តិភាព ជាមួយអង្គការសហប្រជាជាតិ (UN) ដែលបាននិងកំពុងធ្វើនៅក្នុងប្រទេសចំនួន ៨ ដូចជាប្រទេស សូដង់ ស៊ូដង់ខាងត្បូង អាហ្រ្វិកកណ្តាល លីបង់ ម៉ាលី ឆាត កោះសៃផ្រឹស និងអារ៉ាប់-ស៊ីរី។

កាលពីរសៀលថ្ងៃទី១ ខែមីនា នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបិទសន្និបាតកងកម្លាំងរក្សាសន្តិភាពអង្គការសហប្រជាតិ (UN) របស់កម្ពុជា។