ពេលនេះខ្ញុំវិលត្រឡប់មកកាន់ទីក្រុងភ្នំពេញវិញបន្ទាប់ពីចំណាយពេល៣ថ្ងៃដើម្បីចូលរួមសម្ពោធដាក់ឱ្យ ប្រើប្រាស់ផ្លូវជាតិលេខ ៤៤ និងពិនិត្យការងារនៅ ខេត្តកំពត ខេត្តកែប ខេត្តព្រះសីហនុ និងព្រឹកនេះនៅខេត្តកំពង់ស្ពឺ។

ថ្ងៃនេះបន្ទាប់ពីបានបញ្ចប់ការសំណេះសំណាលជាមួយមន្ត្រីរាជការក្នុងខេត្តកែបរួចមក សម្តេចតេជោ ហ៊ុន សែន បានអញ្ជើញបន្តដំណើរមកកាន់ខេត្តព្រះសីហនុ ដើម្បីជួបសំណេះសំណាលជាមួយបងប្អូនមន្រ្តីរាជការ និងកងកម្លាំងប្រដាប់អាវុធនៅទីនេះ។

ថ្ងៃនេះបន្ទាប់ពីបានបញ្ចប់ការសំណេះសំណាលជាមួយមន្ត្រីរាជការ កងកម្លាំងប្រដាប់អាវុធក្នុងខេត្តកែបរួចមក ខ្ញុំបានឆ្លៀតមកចូលជួបសួរសុខទុក្ខសំណេះសំណាលជាមួយបងប្អូនអ្នកលក់ដូរក្នុងផ្សារក្តាម ខេត្តកែប ជាបន្តទៀត ។

នៅថ្ងៃទី ៣ ខែ សីហា ព្រឹកនេះសម្តេចតេជោ ហ៊ុន សែន បានអញ្ជើញចុះជួបសំណេះសំណាលជាមួយបងប្អូនមន្រ្តីរាជការ អាជ្ញាធរក្រុមប្រឹក្សាឃុំ សង្កាត់ និងកងកម្លាំងប្រដាប់អាវុធនៅខេត្តកែប។ ក្រុងកែបបានផ្លាស់ប្តូរមកជាខេត្តកែបនៅឆ្នាំ ១៩៩៣។

នៅព្រឹកថ្ងៃទី ០៣ ខែសីហា ឆ្នាំ២០១៦ នេះ ក្នុងពេលធ្វើដំណើរចេញពីខេត្តកំពត មកកាន់ខេត្តកែប ខ្ញុំបានចុះជួបសំណេះសំណាលជាមួយក្មួយៗសិស្សានុសិស្សនៃ វិទ្យាល័យ ប៊ុនរ៉ានី ហ៊ុន សែន ចរិយាវង្ស សាលាបច្ចេកទេសដុនបូស្កូ ខេត្តកែប និងអនុវិទ្យាល័យសង្គមរាស្ត្រនិយមក្រុងកែប។