នៅថ្ងៃទី០៩ ខែសីហា ២០១៦ ព្រឹកនេះ មុននឹងចាប់ផ្តើមកិច្ចប្រជុំសំណេះ សំណាល ជាមួយក្រុមប្រឹក្សាឃុំ សង្កាត់ ក្រុង ខេត្តកំពង់ឆ្នាំង សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបើកវេទិកាសាធារណៈដោះ ស្រាយសំណូមពរប្រជាពលរដ្ឋអាជីវករនៅផ្សារលើកំពង់ឆ្នាំងដែលបានស្នើរសុំតាម Facebook សម្តេចតេជោផ្ទាល់

ពេលនេះខ្ញុំកំពុងចាកចេញពីទីភ្នំពេញឆ្ពោះទៅកាន់ខេត្តកំពង់ឆ្នាំង និងខេត្តពោធិសាត់ដើម្បីពិនិត្យមើលសមិទ្ឋផលជាតិនានា ព្រមទាំងជួបសំណេះសំណាលជាមួយមន្ត្រីរាជការ និងកងកម្លាំងប្រដាប់អាវុធខេត្ត ដើម្បីពិនិត្យ និងដោះស្រាយបញ្ហាប្រឈមមួយចំនួនដើម្បីអោយការរស់នៅរបស់ប្រជាពលរដ្ឋយើងកាន់តែមានភាពល្អប្រសើរឡើង៕

នៅព្រឹកថ្ងៃទី ៨ ខែសីហា ឆ្នាំ២០១៦នេះ ខ្ញុំបានចូលរួមជាអធិបតីក្នុងពិធីចាក់បេតុងភ្ជាប់មុខតំណ ស្ពានកោះធំ (ឆ្លង កាត់ទន្លេបាសាក់) ប្រវែង ៤១៥ ម៉ែត្រ ស្ថិតនៅក្នុងស្រុកកោះធំ ខេត្តកណ្តាល។ ស្ពានកោះធំថ្មីនេះមានប្រវែងសរុប ៨២៤ម៉ែត្រ ចំណាយថវិកាសាងសង់សរុប ១៩.៣៩ លានដុល្លារ អាមេរិក ជាថវិកាកម្ចីឥណទានពីរដ្ឋាភិបាលចិន

នៅព្រឹកថ្ងៃទី ៨ ខែសីហា ឆ្នាំ២០១៦នេះ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណា ចក្រកម្ពុជា នឹងអញ្ជើញជាអធិបតីដ៏ខ្ពង់ខ្ពស់ក្នុងពិធីចាក់បេតុងភ្ជាប់មុខតំណស្ពានកោះធំ (ឆ្លងកាត់ទន្លេបាសាក់) ប្រវែង ៤១៥ ម៉ែត្រ ស្ថិតនៅក្នុងស្រុកកោះធំ ខេត្តកណ្តាល ក្រោមហិរញ្ញប្បទានពីរដ្ឋាភិបាលប្រទេសចិន។