នៅថ្ងៃទី ៣ ខែ សីហា ព្រឹកនេះសម្តេចតេជោ ហ៊ុន សែន បានអញ្ជើញចុះជួបសំណេះសំណាលជាមួយបងប្អូនមន្រ្តីរាជការ អាជ្ញាធរក្រុមប្រឹក្សាឃុំ សង្កាត់ និងកងកម្លាំងប្រដាប់អាវុធនៅខេត្តកែប។ ក្រុងកែបបានផ្លាស់ប្តូរមកជាខេត្តកែបនៅឆ្នាំ ១៩៩៣។

នៅព្រឹកថ្ងៃទី ០៣ ខែសីហា ឆ្នាំ២០១៦ នេះ ក្នុងពេលធ្វើដំណើរចេញពីខេត្តកំពត មកកាន់ខេត្តកែប ខ្ញុំបានចុះជួបសំណេះសំណាលជាមួយក្មួយៗសិស្សានុសិស្សនៃ វិទ្យាល័យ ប៊ុនរ៉ានី ហ៊ុន សែន ចរិយាវង្ស សាលាបច្ចេកទេសដុនបូស្កូ ខេត្តកែប និងអនុវិទ្យាល័យសង្គមរាស្ត្រនិយមក្រុងកែប។

បន្ទាប់ពីបានអញ្ជើញសម្ពោធផ្លូវជាតិលេខ ៤៤ នៅខេត្តកំពង់ស្ពឺកាលពីព្រឹកមិញរួចមក នៅរសៀលថ្ងៃទី ២ ដដែលនេះ សម្តេចតេជោ ហ៊ុន សែន បានអញ្ជើញចុះជួបសំណេះសំណាលជាមួយមន្ត្រីរាជការ អាជ្ញាធរ និងកងកម្លាំងប្រដាប់អាវុធខេត្តកំពត។ ទឹកដីខេត្តកំពតក៏ជាអតីតសមរភូមិក្តៅមួយដែរ។

ថ្ងៃនេះខ្ញុំសប្បាយរីករាយណាស់ដែលបានចូលរួមសម្ពោធផ្លូវជាតិលេខ ៤៤ ជាមួយបងប្អូនប្រជាពលរដ្ឋខេត្តកំពង់ស្ពឺ ដែលជាជំនួយរបស់មិត្តចិន។ ផ្លូវនេះបានសាងសង់រយៈពេល ៤០ខែ គឺចាប់ពីខែកុម្ភៈ ឆ្នាំ២០១៣ និងបានបញ្ចប់នៅខែធ្នូ ឆ្នាំ២០១៥ ដែលចំណាយថវិកា ៨០,៣០លានដុល្លារអាមេរិក ជាថវិកាកម្ចីឥណទានពីរដ្ឋាភិបាលចិន រួមជាមួយថវិកាបដិភាគរបស់រាជរដ្ឋាភិបាលកម្ពុជា ជាង៥លានដុល្លារអាមេរិកបន្ថែមទៀតសំរាប់ដោះស្រាយផលប៉ះពាល់និងបោសសំអាតអាវុធយុទ្ធភណ្ឌមិនទាន់ផ្ទុះ។