ខ្ញុំមានសិទ្ធិឈឺ តែមិនមានសិទ្ឋិឈប់នោះទេ។ បងប្អូនមួយចំនួនបានធ្វើការកត់សំគាល់ថា ទឹកមុខខ្ញុំមិនសូវសប្បាយចិត្ត។ តាមពិតខ្ញុំគ្រុនផ្តាសសាយតាំងពីខ្ញុំដឹកនាំប្រជុំគណៈរដ្ឋមន្ត្រីថ្ងៃសុក្រសប្ដាហ៍មុនមកម្លេះ។

នៅសៀលថ្ងៃទី២៤ មីនា នេះ សម្តេចតេជោ ហ៊ុន សែន បានដឹកនាំគណៈប្រតិភូត្រលប់ មកកាន់ប្រទេសកម្ពុជាវិញហើយ ដោយសុវត្តិភាព បន្ទាប់ពីសម្តេចបានអញ្ជើញទៅចូលរួមក្នុងកិច្ចប្រជុំកំពូលមេគង្គ-ឡានឆាង នៅទីក្រុងសាន់យ៉ា (Sanya) និងចូលរួមសន្និសីទប្រចាំឆ្នាំនៃវេទិកាបូអាវ នៅទីក្រុងបូអាវ (Bo Ao)ខេត្តហៃណានប្រទេសចិន

៣ថ្ងៃនៃការចូលរួមប្រជុំកំពូលឡាងឆាង មេគង្គនិងចូលរួមវេទិការបូអាវនៅសាធារណរដ្ឋ ប្រជាមានិតចិន។ជំនួបទ្វេរគាគីជាមួយនាយក រដ្ឋមន្ត្រីចិននិងថ្នាក់ដឹកនាំនៃប្រទេសជាមិត្ត ផ្សេងទៀត។ល្ងាចនេះខ្ញុំត្រឡប់មកដល់ មាតុប្រទេសវិញ។

នៅព្រឹកថ្ងៃនេះ សម្តេចតេជោ ហ៊ុន សែន បានដឹកនាំគណៈប្រតិភូអញ្ជើញចេញពីទីក្រុង Sanya ឆ្ពោះទៅកាន់ទីក្រុង Bo Ao ក្នុងខេត្ត ហៃណាន (Hainan) តាមរថយន្តដែលមានរយៈពេល ២ ម៉ោង ដើម្បីចូលរួមវេទិកា Bo Ao ជាមួយប្រមុខ ដឹកនាំមកពីបណ្តាប្រទេសនានាលើប្រធានបទ “ អនាគតអាស៊ី: សក្តានុពលថ្មី និងចក្ខុវិស័យថ្មី”។

បន្ទាប់ពីកិច្ចប្រជុំកំពូល មេគង្គ-ឡានឆាង លើកទី១ (The 1st Lancang-Mekong Cooperation Leader’s Meeting) នៅពេលថ្ងៃត្រង់ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណា ចក្រកម្ពុជា បានជួបប្រជុំទ្វេភាគីជាមួយ ឯឧ Arkady Vladimirovich Dvorkovich ឧបនាយករដ្ឋមន្ត្រី នៃសហព័ន្ធរុស្ស៊ី