ពេលនេះខ្ញុំ និងគណៈប្រតិភូជាន់ខ្ពស់កម្ពុជា បានមកដល់ទីក្រុងវៀងច័ន្ទ រដ្ឋធានីនៃប្រទេសឡាវ ដើម្បីទស្សនៈកិច្ចការងាររយៈពេល២ថ្ងៃ។ ការពិភាក្សានាពេលល្ងាចនេះ ផ្តោតសំខាន់លើការពង្រឹងទំនាក់ទំនងរវាងប្រទេសទាំងពីរ និងក៏អាចពិភាក្សាផងដែរលើបញ្ហាតំបន់ និងអន្តរជាតិ ដែលភាគីទាំងពីរយកចិត្តទុកដាក់។

កាលពីយប់កន្លងទៅ ខ្ញុំបានអានសារដែលក្មួយពិការម្នាក់តែងតែសរសេរមកខ្ញុំរៀងរាល់ពេលតាម Facebook។ សារដែលក្មួយពិការសរសេរមក គឺជាការចូលរួមក្នុងន័យលើកតម្កើង និងចែករំលែកក្តីស្រឡាញ់។

យើងចូលរួមអបអរសាទរបុណ្យទន្លេ ដែលកំពុងប្រព្រឹតិ្តទៅនៅខេត្តកំពង់ចាមនិងត្បូងឃ្មុំយ៉ាងសប្បាយរីករាយ (១១-១៣ មីនា ២០១៦)។ ដោយសារសុខសន្តិភាព ទើបយើងមានឱកាសកសាងប្រទេសជាតិអោយកាន់តែរីកចម្រើនលូតលាស់។

ភរិយាខ្ញុំពេលចេញទៅតាមខេត្តម្ដងៗ គាត់ធ្វើការបានច្រើនមុខ។ ក្រៅពីកិច្ចការមនុស្សធម៌ ក្នុងនាមកាកបាទក្រហមកម្ពុជា គាត់នៅឆ្លៀតធ្វើនូវកិច្ចការសង្គម វប្បធម៌ សាសនា ទេសចរណ៌ និងបរិស្ថានថែមទៀតផង។

ភរិយាខ្ញុំថ្ងៃនេះ ឆ្លៀតពេលទៅសួរសុខទុក្ខ និងផ្តល់ជំនួយសំរាប់ប្រជាជននៅខេត្តឧត្តរមានជ័យ គាត់បានទៅអង្គរវត្ត ថតរូបជាមួយដើមឈើដែលគាត់ដាំជិត ២០ឆ្នាំមុន។ ភរិយាខ្ញុំរែកទឹកត្នោត និងថតរូបជាមួយប្អូនលក់ទឹកត្នោតយ៉ាងសប្បាយនៅមុខអង្គរវត្ត។