ខ្ញុំទើបបញ្ចប់ការពិភាក្សាជាមួយប្រធានាធិបតី សហពន្ធ័រុស្ស៊ី Vladimir Putin ដែលគាត់ចាត់ទុកកម្ពុជាជាមិត្តចាស់ និងជាដៃគូប្រពៃណីព្រមទាំង សម្តេច ហ៊ុន សែន គឺជាមិត្តដ៏ជិតស្និទ្ឋ និងជាទីទុកចិត្ត។ នេះជាពាក្យស្វាគមន៍របស់គាត់ដែលពោរពេញដោយមនោសញ្ចេតនា និងការរាប់អាន។ ការពិភាក្សាបានផ្តោតលើការពង្រឹងទំនាក់ទំនងទ្វេភាគី និងបញ្ហាអន្តរជាតិដែលភាគីទាំងពីរយកចិត្តទុកដាក់៕

នៅរសៀលថ្ងៃទី ១៨ ឧសភានេះ ក្រោយពីបានជួបជុំសំណេះសំណាលជាមួយនិស្សិតខ្មែរដែលកំពុងសិក្សានៅក្នុង ប្រទេសរុស្ស៊ីរួចមក សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានដឹកនាំគណៈប្រតិភូ ជាន់ខ្ពស់កម្ពុជាចាកចេញពីទីក្រុង MOSCOW ធ្វើដំណើតាមយន្តហោះពិសេសបានមកដល់ទីក្រុង SOCHI នៃប្រទេសរុស្ស៊ីប្រកបដោយសុវត្ថិភាព ដើម្បីអញ្ជើញចូលរួមក្នុងកិច្ចប្រជុំកំពូល ASEAN-RUSSIA ។

ខ្ញុំនិងគណៈប្រតិភូកម្ពុជាយើងបានមកដល់ ទីក្រុងSochi ដែលជាកន្លែងត្រូវប្រជុំ អាសា៊ន.រុស្សុី។ខ្ញុំនឹងត្រូវជួបប្រធានាធិបតី សហពន្ធ័រុស្សុុី Vladimir Putin នៅ មោ៉ង១៤ៈ៤៥នាទី ត្រូវនិងមោ៉ង១៨ៈ៤៥នាទីមោ៉ងកម្ពុជា នាថ្ងៃស្អែក១៩ឧសភា។

ព្រឹកនេះមុនចេញដំណើរពីទីក្រុង Moscow ទៅកាន់ទីក្រុង Sochi ដើម្បីចូលរួមក្នុងកិច្ចប្រជុំកំពូលរុស្ស៊ីអាស៊ាន គម្រប់ខួប ២០ឆ្នាំ ខ្ញុំបានឆ្លៀតឱកាសជួបសំណេះសំណាលជាមួយក្មួយៗយុវជន តំណាងឱ្យនិស្សិតដែលបានមកសិក្សា នៅក្នុងប្រទេសរុស្ស៊ី។ខ្ញុំសូមផ្តាំសួរសុខទុក្ខចំពោះក្មួយៗដែលមិនបានមកចូលរួមព្រោះត្រូវធ្វើដំណើរឆ្ងាយ។

ឆ្លៀតពេលខ្ញុំចេញមកបេសកកម្មនៅក្រៅប្រទេស ភរិយាខ្ញុំបានជូនម្តាយក្មេកខ្ញុំទៅពិនិត្យសុខភាពនៅ សឹង្ហបូរី។ កូនៗខ្ញុំបានខិតខំជាមួយម្តាយពួកគេដើម្បីសុខភាពរបស់ជីដូន។ សូមជូនពរម៉ែមានសុខភាពល្អ៕

កម្មវិធី ខ្ញុំជាយុវជនគំរូកម្ពុជា