នៅរសៀលថ្ងៃទី១០ ខែតុលា ឆ្នាំ២០១៦នេះ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានអញ្ជើញដឹកនាំគណៈប្រតិភូជាន់ខ្ពស់វិលត្រឡប់មកកាន់ប្រទេសកម្ពុជាវិញហើយ បន្ទាប់ពីបានអញ្ជើញទៅចូលរួមកិច្ចប្រជុំកំពូល ស្តីពីកិច្ចសន្ទនាកិច្ចសហប្រតិបត្តិការអាស៊ីលើកទី២ នាទីក្រុងបាងកក ប្រទេសថៃ។

ការប្រជុំកំពូលកិច្ចសន្ទនានៃកិច្ចសហប្រតិបត្តិការអាសុីលើកទី២ក្រោមប្រធានបទ(អាសុីតែមួយ ថាមពលចម្រុះ)បានចាប់ផ្តើមហើយ។ ជូនពរបងប្អូនជនរួមជាតិពីចម្ងាយសូមជួបតែសេចក្តីសុខ៕

ជ័យជំនៈរបស់ក្រុមកីឡាបាល់ទាត់កម្ពុជាឈ្នះកីឡាបាល់ទាត់ប្រទេសស្រីលង្កា (Sri Lanka) ៤-០ នៅក្នុងការប្រកួតមិត្តភាពអន្តរជាតិដែលទើបតែបានបញ្ចប់អំបាញ់មិញនេះគឺបានបង្ហាញនូវសមត្ថភាព និងការរីកចម្រើននៃវិស័យកីឡានៅកម្ពុជា។ ខ្ញុំបានតាមដានការប្រកួតនេះយ៉ាងយកចិត្តទុកដាក់ពីទីក្រុងបាងកកប្រទេសថៃ

រសៀលនេះ ខ្ញុំមានជំនួបទ្វេភាភីជាមួយ ឯកឧត្តម ប្រាយុត ចន្ទអូចា នាយករដ្ឋមន្ត្រីថៃ។ បញ្ហាសហប្រត្តិការទ្វេភាគីលើវិស័យសេដ្ឋកិច្ច ពាណិជ្ជកម្ម វិនិយោគ ការតភ្ជាប់ផ្លូវដែក ផ្លូវគោក ការបើកច្រកព្រំដែន បញ្ហាពលករកម្ពុជានៅប្រទេសថៃ ជាពិសេសការនាំកសិផលពីកម្ពុជាមកថៃ។ល។ គឺជារបៀបវារៈសំខាន់នៃការពិភាក្សា។

សម្តេចតេជោ ហ៊ុន សែន អញ្ជើញមកដល់ទីក្រុងបាងកកប្រទេសថៃហើយ នៅម៉ោង៩:៣៣ នាទីព្រឹកមិញនេះ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានដឹកនាំគណៈប្រតិភូជាន់ខ្ពស់កម្ពុជាមកដល់ទីក្រុងបាងកកប្រកបដោយសុវត្ថិភាពហើយ ដើម្បីអញ្ជើញ ចូលរួមកិច្ចប្រជុំកំពូល ស្តីពីកិច្ចសន្ទនាកិច្ចសហប្រតិបត្តិការអាស៊ីលើកទី២