នៅពេលនេះនិងម៉ោងនេះ ប្រជាពលរដ្ឋបានដឹងនិងឃើញច្បាស់ថា មានប្រទេសក្នុងពិភពលោកជាច្រើន កំពុងប្រឈមនឹងវិបត្តិសេដ្ឋកិច្ច បញ្ហាជន ភៀសខ្លួន អសន្តិសុខសង្គម អំពើភេរវកម្ម និងសង្រ្គាមកាប់សម្លាប់ដែលធ្វើអោយក្រុមគ្រួសារបាត់បង់មនុស្សជាទីស្រឡាញ់ និងបែកបាក់ព្រាត់ប្រាស់ឪពុកម្តាយ យាយតា ពូ មីង បងប្អូន ប្តីប្រពន្ឋ និងកូនចៅយ៉ាងរន្ឋត់ខ្លោចផ្សារបំផុត។
នៅព្រឹក ថ្ងៃទី១៦ ខែមិថុនា ឆ្នាំ២០១៧នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជាអធិបតីភាពដ៏ខ្ពង់ខ្ពស់បើកកិច្ចប្រជុំពេញអង្គគណៈរដ្ឋមន្រ្តី ដែលធ្វើឡើងនៅវិមានសន្តិភាព រាជធានី ភ្នំពេញ។ របៀបវារៈនៃកិច្ចប្រជុំក្នុងសប្តាហ៍នេះមានដូចជា៖ ១)-សេចក្តីព្រាងគោលនយោបាយជាតិ ស្តីពីការអប៕រំបណ្តុះបណ្តាលបច្ចេកទេស និងវិជ្ជាជីវៈ ឆ្នាំ២០១៧-២០២៥។ ២)-សេចក្តីព្រាងអនុក្រឹត្យស្តីពីការរៀបចំ និងការប្រព្រឹត្តទៅគណៈកម្មាធិការ ត្រួតពិនិត្យផលិតផលថ្នាំ ជក់។
នៅល្ងាចថ្ងៃទី១៥ ខែមិថុនា ឆ្នាំ២០១៧នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានអញ្ជើញចូលរួម ជាអធិបតីដ៏ខ្ពង់ខ្ពស់ ក្នុងពិធីស្រាយបួស នៃខែរ៉ាម៉ាឌន ដែលជាប្រពៃណីរបស់បងប្អូនខ្មែរ-អ៊ីស្លាម ចំនួន៤,៧០០នាក់ នៅមជ្ឈមណ្ឌលកោះពេជ្រ រាជធានីភ្នំពេញ។
អរគុណបងប្អូនខ្មែរឥស្លាមទូទាំងប្រទេស និងថ្នាក់ដឹកនាំឥស្លាមកម្ពុជាទាំងអស់ ដែលបានគាំទ្រ និង បោះឆ្នោតអោយតែ “គណបក្សប្រជាជកម្ពុជា” តែមួយគត់ក្នុងការដឹកនាំ និងអភិវឌ្ឍន៍ប្រទេសជាតិ។ ទន្ទឹមនឹងនេះ គឺបងប្អូនបានចូលរួម ចំណែកយ៉ាងសំខាន់បំផុតនៅក្នុងការថែរក្សាសន្តិភាព ដើម្បីសុខ ដុមនីយកម្មនៃយើងទាំងអស់គ្នា៕
នៅព្រឹកថ្ងៃទី១៥ ខែមិថុនា ឆ្នាំ២០១៧នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជាបានអញ្ជើញផ្តល់កិត្តិយសប្រគល់សញ្ញាបត្រដល់និស្សិតនៃសាកលវិទ្យាល័យបញ្ញាសាស្រ្តកម្ពុជាចំនួន៩១៥នាក់ នៅវិទ្យាស្ថានជាតិអប់រំ។ ជាកិច្ចចាប់ផ្តើម សម្តេចតេជោ ហ៊ុន សែន បានអបអរសាទរដល់ជ័យលាភីទាំងអស់។
