សម្តេចតេជោ ហ៊ុន សែន អញ្ជើញចុះពិនិត្យវិទ្យាល័យ ហ៊ុន សែន មណ្ឌលគិរី នៅរសៀលថ្ងៃទី១៤ ខែកញ្ញា ឆ្នាំ២០១៦ នេះ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញចុះសួរសុខទុក្ខក្មួយៗសិស្សានុសិស្ស និងលោកគ្រូអ្នកគ្រូនៅវិទ្យាល័យ ហ៊ុន សែន មណ្ឌលគិរី ស្ថិតនៅភូមិកណ្តាល សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី ។

សម្តេចតេជោ អញ្ជើញចុះពិនិត្យសាលារៀនត្បូងឃ្មុំ នៅព្រឹកថ្ងៃទី ១៤ ខែកញ្ញា ឆ្នាំ២០១៦ នេះ ពេលធ្វើដំណើរមកកាន់ខេត្តមណ្ឌលគីរី និង រតនគីរី ដើម្បីជួបសំណេះសំណាលជាមួយមន្ត្រីរាជការ កងកម្លាំងប្រដាប់អាវុធ និងដើម្បីពិនិត្យមើលសមិទ្ឋផល និងតម្រូវការផ្សេងៗនោះ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានអញ្ជើញចូលជួបសំណេះសំណាលជាមួយក្មួយៗ

កំសត់កូនប្រុស ពុកបានមកមើលកូនហើយ។មកដល់ទីនេះពុកនឹកឃើញរឿងឈឺចាប់ដែលពុកនិងមែ៉កូនទទួលរងនូវការឈឺចាប់ដែលមិនអាចបំភ្លេចបានកាលពីថ្ងៃ១០ វិច្ឆិកា ១៩៧៦។កូនអត់ទោសឱយពុកដែលមិនបានយកសពកូនទៅបញ្ចុះដោយខ្លូនឯងអាស្រ័យពេលនោះស្ថានភាពពុកអន់ជាងសត្វទៅទៀត។សត្វវាចេះថែទាំកូនវាតែពុកមិនមានលទ្ធភាពទេកូន។

ចប់បេសកកម្មក្រៅប្រទេស ដល់បេសកកម្មក្នុងប្រទេសម្តង ! នៅពេលនេះខ្ញុំកំពុងធ្វើដំណើរចេញពីរាជធានីភ្នំពេញ ឆ្ពោះមក កាន់ខេត្ត មណ្ឌលគីរី និងរតនគីរី ដើម្បីពិនិត្យមើលសមិទ្ឋផលជាតិ និងជួបសួរសុខទុក្ខមន្រ្តីរាជការ កូនក្មួយសិស្សានុសិស្ស ព្រមទាំងពិនិត្យ និងដោះស្រាយបញ្ហាប្រឈមមួយចំនួនដល់ប្រជាពលរដ្ឋយើង។

ចៅស្រីពីរនាក់មករកជីតា ចំពេលជីតារវល់។ ឯកសារនៅសេសសល់មិនទាន់បានពិនិត្យនិងចុះហត្ថលេខានៅសល់ច្រើន។ មិនហា៊នដេញចៅចេញពីបន្ទប់ទេ លួងលោមចៅដោយមើលរូបដែលគេគូរយកមកឱ្យជីតាមើល។ ពួកគេបង្ហាញពីការនឹករលឹកចំពោះខ្ញុំ ព្រោះខ្ញុំដើរចោលពួកគេមួយរយ:ហើយ៕

កម្មវិធី ខ្ញុំជាយុវជនគំរូកម្ពុជា