នៅរសៀលថ្ងៃនេះ ខ្ញុំនិងភរិយាបានមកចូលរួមពិធីស្រាយបួសខែរ៉ាម៉ាឌន លើកទី៣ ជាមួយបងប្អូនសាសនិកខ្មែរអ៊ីស្លាមក្នុងប្រទេស និងមកពីបរទេសជាង ៤,៥០០ នាក់ នៅសាលសន្និសីទកោះពេជ្រ រាជធានីភ្នំពេញ។ បងប្អូនសាសនិកខ្មែរអ៊ីស្លាមគឺបានចូលរួមចំណែកយ៉ាងសំខាន់ក្នុងការថែរក្សាការពារសន្តិភាព និងបានចូលរួមកសាងអភិវឌ្ឍន៌ប្រទេសជាតិយើងអោយកាន់តែរីកចម្រើន។

កាលពីប៉ុន្មានថ្ងៃមុននេះ ខ្ញុំបានដឹកនាំក្រុមគណៈប្រតិភូទៅមើលសួរសុខទុក្ខ លោកអុំ សាយ ភូថង អតីតអនុប្រធានក្រុមប្រឹក្សារដ្ឋ (អនុប្រធានរដ្ឋ) ដែលសម្រាកព្យាបាលនៅទីក្រុងបាងកក ប្រទេសថៃ។ លោក អុំសាយ ភូថង គឺជាឥស្សរៈជនដឹកនាំដ៏សំខាន់ម្នាក់របស់គណបក្សប្រជាជនកម្ពុជា ដែលបានលះបង់ និងបូជាគ្រប់យ៉ាងក្នុងការចូលរួមរំដោះប្រទេសពីរបបខ្មែរក្រហម។

ខ្ញុំសប្បាយរីករាយដែលបានចូលរួមប្រគល់សញ្ញាបត្រដល់និស្សិតសាកលវិទ្យាល័យភូមិន្ទភ្នំពេញ (RUPP) ចំនួន 3,746 នាក់ និងបានប្រកាសដាក់អោយប្រើប្រាស់ជានិមិត្តរូបនៃ “មជ្ឍមណ្ឌលកម្ពុជាដើម្បីស្រាវជ្រាវផ្លូវសូត្រសមុទ្រសតវត្សទី២១” នៃសាកលវិទ្យាល័យភូមិន្ទភ្នំពេញ នៅសាលសន្និសីទកោះពេជ្យកាលពីព្រឹកមិញនេះ ។

នៅព្រឹកថ្ងៃទី ១៣ ខែមិថុនា ឆ្នាំ២០១៦ នេះ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នឹងអញ្ជើញជាអធិបតីភាពដ៏ខ្ពង់ខ្ពស់ក្នុងពិធីចែកសញ្ញាបត្រដល់និស្សិតសាកលវិទ្យាល័យភូមិន្ទភ្នំពេញ (RUPP) ជាមួយនឹងការប្រកាសដាក់អោយប្រើប្រាស់ជាផ្លូវការនូវមជ្ឍមណ្ឌលកម្ពុជាដើម្បីស្រាវជ្រាវផ្លូវសូត្រសមុទ្រ នៃសាកលវិទ្យាល័យភូមិន្ទភ្នំពេញផងដែរ ។

នៅព្រឹកថ្ងៃនេះ ខ្ញុំបានចូលរួមរាប់បាតនៅក្នុងពីធីបុណ្យគម្រប់ខួប១ឆ្នាំនៃមរណៈភាព សម្តេចធម្មពោធិសាល ជា ស៊ីម អតីតប្រធានគណបក្សប្រជាជនកម្ពុជា និងជាអតីតប្រធានព្រឹទ្ឋសភាជាតិនៃព្រះរាជាណាចក្រកម្ពុជា នៅភូមិគ្រឹះសម្តេចជាស៊ីម។

កម្មវិធី ខ្ញុំជាយុវជនគំរូកម្ពុជា