ក្នុងប៉ុន្មានថ្ងៃនេះ ភ្លៀងបានចាប់ធ្លាក់នៅតាមបណ្តាខេត្តមួយចំនួន ហើយតម្រូវការទឹកគឺបានថយចុះជាបណ្តើរៗ។ តែប្រជាពលរដ្ឋយើងមួយចំនួនធំនៅខ្វះខាតទឹកប្រើប្រាស់នៅឡើយ។ ទន្ទឹមនឹងភ្លៀងចាប់ផ្តើមធ្លាក់ ក៏នៅមានបញ្ហាប្រឈមដូចជា ខ្យល់ព្យុះ ខ្យល់កន្រ្តាក់ ផ្គរ និងរន្ទះកើតឡើងដែលជាការព្រួយបារម្ភផងដែរ។

ទស្សនៈកិច្ចពង្រឹងទំនាក់ទំនងទ្វេភាគីរវាងកម្ពុជា សហពន្ធ័រុស្ស៊ីធ្វើនៅរដ្ឋធានីមូស្គូ។ ប្រជុំកំពូលអាស៊ាន-រុស្ស៊ីធ្វើនៅទីក្រុង Sochi ដែលជាទីក្រុងដ៏ស្រស់ស្អាតនៅតាមឆ្នេរនៃសមុទ្រខ្មៅ។ ទាំងពីរកន្លែងសុទ្ធតែមានធាតុអាកាសត្រជាក់ល្មម។ ថ្ងៃនេះខ្ញុំវាយកូនគោលនៅជាយរាជធានីភ្នំពេញដែលមានកំដៅក្តៅបន្តិច តែដូចជាបែកញើសស្រួលខ្លួនទៅវិញ៕

នៅព្រឹកថ្ងៃទី២១ ខែឧសភា ឆ្នាំ២០១៦ នេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានដឹកនាំគណៈប្រតិភូត្រឡប់មកកាន់មាតុប្រទេសវិញហើយ ដោយសុវត្តិភាព បន្ទាប់ពីសម្តេចបានដឹកនាំមន្ត្រីជាន់ខ្ពស់កម្ពុជាទៅបំពេញទស្សនៈកិច្ចផ្លូវការចំនួន៥ថ្ងៃ ចាប់ពីថ្ងៃទី១៧-២១ ខែឧសភា ឆ្នាំ២០១៦ នៅប្រទេសរុស្សុី ។

ខ្ញុំនិងគណៈប្រតិភូជាន់ខ្ពស់កម្ពុជាបានធ្វើ មាតុភូមិនិវត្តន៏ប្រកបដោយសុវត្តិភាពហើយ បន្ទាប់ពីបំពេញការងារ៦ថ្ងៃនៅសហព័ន្ធ រុស្សុី។ថ្ងៃនេះនិងថ្ងៃស្អែកចំលើថ្ងៃសៅរ៍ និងថ្ងៃអាទិត្យដែលជាថ្ងៃសំរាក បំណុល ឯកសារដែលខ្ញុំជំពាក់ចាំទូទាត់បញ្ជីនៅ ថ្ងៃច័ន្ទ។ នៅសល់រឿងចៅមកលេងបាន អ្វីឱ្យចៅ?

កិច្ចប្រជុំកំពូលអាស៊ាន-រុស្ស៊ី នៅទីក្រុង Sochi បានបញ្ចប់ប្រកបដោយជោគជ័យយ៉ាងត្រចះត្រចង់! នៅក្នុងកិច្ចប្រជុំកំពូលនេះ ខ្ញុំក៏បានចូលរួមកិច្ចប្រជុំកំពូលថ្នាក់ដឹកនាំអាស៊ាននិងរុស្ស៊ីជាមួយតំណាងធុរកិច្ចជា ច្រើនរូប និងបានពិសារអាហារថ្ងៃត្រង់ការងារជាមួយប្រមុខដឹកនាំអាស៊ាន និងរុស្ស៊ី នៅ Radisson Blu Resort and Congress Center។