នៅពេលនេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា កំពុងស្ថិតនៅកន្លែងបាក់រលំអគារនៅខេត្តកែប រួមជាមួយក្រុមការងារចម្រុះ និងអាជ្ញាធរមូលដ្ឋាន។ ពេលអញ្ជើញមកដល់ខេត្តកែបភ្លាមសម្តេចតេជោនាយករដ្ឋមន្ត្រីបានអញ្ជើញចុះសួរសុខទុក្ខបងប្អូនអ្នករងគ្រោះនៅមន្ត្រីពេទ្យបង្អែកខេត្តកែប ដែលរងរបួសក្នុងហេតុការណ៍បាក់រលំអគារថ្ងៃនេះ។

នៅយប់នេះ សម្តេចតេជោ ហ៊ុន សែន និងមន្រ្តីពាក់ព័ន្ធព្រមទាំងអាជ្ញាធរកំពុងមមាញឹកជួយសង្គ្រោះជនរងគ្រោះដែលកំពុងជាប់ក្នុងគំនរបាក់បែកនៃការដ្ឋាននេះ។ ព័ត៌មានទទួលបានជាបឋម (គិតត្រឹមម៉ោង០៩:២៣ ថ្ងៃទី៣ មករា ២០២០ យប់នេះ) ក្រុមការងារសង្គ្រោះ បានជួយសង្គ្រោះជនរងគ្រោះចំនួន២០នាក់ ក្នុងនោះស្លាប់០៤នាក់(ស្រី០៣នាក់)»៕