គណបក្សប្រជាធិបតេយ្យសេរី ដែលមានលោក ស៊ិនហ្សូ អាបេ ជានាយក រដ្ឋមន្រ្តី បានសំដែងនូវការអបអរសាទរ ចំពោះ គណបក្សប្រជាជនកម្ពុជា ដែលទទួលបានជ័យជំនះដ៏ត្រចះត្រចង់បំផុត ក្នុងការបោះឆ្នោតជ្រើសតាំង តំណាងរាស្រ្ត នីតិកាលទី៦ កាលពីថ្ងៃទី ២៩ ខែកក្កដា ឆ្នាំ២០១៨ កន្លងទៅថ្មីៗនេះ។

សារលិខិតរបស់ ឯកឧត្តម តូស៊ីរ៉ូ នីកៃ អគ្គលេខាធិការ គណបក្សប្រជាធិប តេយ្យសេរី និងជាសមាជិកសភាតំណាងរាស្រ្តជប៉ុន គឺត្រូវបាន ឯកឧត្តម ម៉ាសាហ៊ីរ៉ូ អ៊ីម៉ាមូរ៉ា (Masahi Imamura) សមាជិកសភាជប៉ុន នាំយក មកជូន ដោយផ្ទាល់ដៃដល់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុ ក្នុងជំនួបដែលធ្វើឡើង កាលពី ព្រឹកថ្ងៃទី១០សីហានេះ។ ឯកឧត្តមអគ្គលេខាធិការ បានសំដែងនូវការគោរពយ៉ាងជ្រាលជ្រៅចំពោះ ការដឹកនាំ របស់សម្តេចតេជោដែលបានធ្វើឲ្យប្រទេសកម្ពុជាបានឆ្លងចាក ផុតពីដំណាក់កាលដ៏សែនអកុសលនៃសង្រ្គាម ហើយបានបោះជំហាន យ៉ាងស្វាហាប់ឆ្ពោះទៅកាន់ការកសាងឡើងវិញ និងវិបុលភាព។ រដ្ឋាភិបាល ជប៉ុនពេញចិត្តនឹងបន្តធ្វើការជាមួយ សម្តេចតេជោ ហ៊ុន សែន ដើម្បីកសាង ទំនាក់ទំនងរវាងប្រទេសទាំងពីរកម្ពុជា ជប៉ុន ឲ្យកាន់ តែល្អរឹងមាំថែម ទៀត។ ក្រៅពីជប៉ុន គឺមានប្រទេសជាច្រើនទៀត បានផ្ញើនូវសារលិខិតជូនពរ ជូន សម្តេចតេជោនាយករដ្ឋមន្រ្តីដូចជា ប្រទេសចិន, រុស្សី, ឥណ្ឌា, ហ្វីលីពីន, ថៃ, ឡាវ និងប្រទេសវៀតណាម៕